《偽鰻魚飯》

 偽鰻魚飯😍

材料：

茄子......2條

紫菜......2片

芝麻......少許

醬汁：

生抽.......1湯匙

老抽.......1/2湯匙

味淋.......1湯匙

糖...........1湯匙

做法：

1）將茄子切開一半蒸15分鐘

2）把蒸好的茄子切開邊攤平，不要介斷茄子皮（如圖）

3）然後輕輕力打橫切，是模仿鰻魚肉的紋路

4）平底鑊下油，放茄子，中火把兩邊煎成金黃色

5）加入醬汁，小火煮至上色及微微焦香

6）把茄子放上飯面，灑上芝麻，完成

《炸雲吞🥟》

 點心系列～ 

冰格成日常滿，想入貨都無位！今天清雪櫃～ 有蝦又有春卷皮啱晒整炸雲吞，脆卜卜😋又易整，唔駛去酒樓食啦😋

個汁我用茄汁白醋喼汁加片糖，點埋個汁食簡直一樣咁呀  👍🏼

做法：

1) 蝦仁用鹽、胡椒粉、廚酒、生粉醃一陣

2) 把蝦放在春卷皮上，包法如圖

3) 用生粉水黐埋口

4) 慢火用油炸，用木筷子測試油溫，筷子邊有少少氣泡就啱啦 或  氣炸 180度5分鐘再200度5分鐘

小貼士：

👉🏼春卷皮有分底和面，光滑果邊係面，面向外先可以炸得靚

👉🏼氣炸時記得要噴油，如果唔係就會好乾

👉🏼醬汁記得要試味，如果太杰可以加多少少水

《韓國糖餅🥠》

 糖餅是韓國傳統美食，係韓國食過仲好記得那種味道，外皮煙煙un un, 裡面放滿黃糖，煎完之後黃糖溶化， 食落口有沙沙的感覺 ，好好味！😋

喺759發現有急凍糖餅，即係買嚟回味下～

非常方便，慢慢火煎5分鐘便食得  ！個皮雖然比較厚但味道都唔錯，如果喜歡吃甜食的可以買來試一試，食完當去咗旅行啦😜

《酸菜魚》

 酸菜魚食過會上癮❤️ 

一直諗諗不忙太二酸菜魚的味道，次次都大排長龍，個種麻辣酸又真係好鬼吸引！啲魚又滑湯底又好味，真係好掛住架！依家無得去食就唯有自己試吓整啦～

試咗2次， 真係做到我想要既效果呀！真心唔錯！頂得住可以止止渴✌🏼Honey 都話好味道😋

材料：

鱸魚或桂花魚.......2斤(1條1斤左右）

咸酸菜..................1棵

豆腐卜..................6個

泡椒......................13-15隻

乾辣椒..................18-20隻

花椒、青麻椒.......適量

薑、芫荽、蔥.......適量

*這個份量是小辣程度*

做法：

1）咸酸菜用鹽浸半個鐘，洗乾淨切成塊，備用

2）鱸魚起肉，斜切成大塊魚片放在器皿內，用水以手攪拌方式沖洗魚片，洗2-3次直至魚片呈透明狀態(沒有血水)，這可令魚肉嫩滑，用半茶匙鹽，半茶匙雞粉，少許胡椒粉，半隻蛋白攪勻，再落1茶匙生粉攪拌至有黏手的狀態，醃15分鍾，備用

3）魚骨和魚頭斬件，洗淨吸乾水，不用醃味

4）泡椒、乾辣椒、花椒、青麻椒洗乾淨備用

5）先把酸菜用白鑊炒乾水，剩起備用

6）落油放魚骨和魚頭煎至金黃色，在旁邊落姜和泡椒炒香，之後放回已炒過的酸菜，加3至4碗水加蓋煲滾做魚湯，中小火煮10分鐘

7）開蓋，調味，放一湯匙白醋，少許鹽，試味

8）將所有材料撈起放在大湯碗內（如不吃魚骨和魚頭可分隔開不要）

9）放豆腐卜落魚湯煮1分鐘，撈起放在湯料上

10）再將魚湯滾起放入魚片，大火煮至魚片轉白色即撈起放在湯料面並將魚湯倒落大湯碗內，魚湯面放少許芫荽和蔥花

11）另起鑊煮熱油，油滾放乾辣椒、花椒、青麻椒，聞到香味熄火，淋在魚湯上，即成