好少同大家分享中式湯水 🥣
其實一星期我都會煲兩至三次
飲多啲湯水又健康對皮膚又好❤️
近排好鍾意用腰果栗子煲素湯
好清甜好滋潤 👍🏼
我仲好鬼鍾意食煲完既腰果，好味呀😋
2020年3月31日星期二
《南乳雞翼》
燒雞翼🐔我好鬼鍾意食❤️
南乳雞翼去親BBQ都要食🤤
冇得去BBQ唯有係屋企整啦
材料好簡單，預早一晚醃定入晒味👍🏼
真係食到唔停得口😋
材料：
雞中翼...........2磅（大約22隻）
蜜糖...............適量
雞翼醃料：
南乳...............1磚連小小南乳汁
腐乳...............2磚
生抽...............1湯匙
糖...................2茶匙
紹興酒............1茶匙
做法：
1）雞翼浸鹽水解凍，洗乾淨用廚房紙吸乾水份，雞翼醃料先拌勻放入密實袋，下雞翼撈勻放入雪櫃醃過夜
2）預熱焗爐，放雞翼用180度焗15分鐘，反轉再焗10分鐘，最後搽蜜糖，用200度焗2分鐘，再反轉另一面搽蜜糖焗2分鍾，完成✅
3）如用氣炸鍋，200度預熱5分鐘，用180度炸10分鐘，反轉180度7分鐘，最後搽蜜糖160炸3分鍾，完成✅
*時間因不同焗爐而需要有所改動*
《忌廉蘑菇湯》
西湯裡我最喜愛磨菇湯🥣
濃厚忌廉又香又滑、炒過既磨菇芬香撲鼻
而且還有粒粒磨菇蓉，多重口感😋
材料：(2人份)
啡菇........2個
蘑菇........200g （約超市一盒裝）
洋蔥........1/4個
蒜頭........1瓣
牛油........15g
麵粉........15g
雞湯........250ml (1杯)
鮮忌廉....125ml (1/2杯)
海鹽........1/4茶匙
黑胡椒.....1/8茶匙
百里香......1/8茶匙
(可以省略，或者用自己愛的香草)
白酒.........1/2湯匙 (或米酒取代)
做法：
1. 洋蔥去皮切碎，蒜頭拍鬆，蘑菇洗淨切片
2. 燒熱鍋，放牛油在鍋中溶化，下洋蔥和蒜頭一起炒，當洋蔥炒到變軟之後，再放蘑菇一起炒
3. 最初炒的時候很乾身，但慢慢就會出水。這個時候可以加白酒，炒一下，再落鹽、黑胡椒和香草調味
4. 跟著把麵粉灑上去，炒炒，水份就會被吸乾了
5. 當麵粉炒得不見了之後，慢慢加雞湯，一邊攪拌，湯會慢慢變得濃稠起來
6. 湯變濃稠之後，就可以把材料連湯放入攪拌機打成蓉（或可用Hand mixer，直接放進湯鍋裡攪拌，不用倒來倒去，很方便）
7. 把攪拌好的蘑菇蓉倒回煲內，將鮮忌廉加進去，拌勻，再加熱一下，但不要讓它滾起來
8. 如果想點綴一下，炒蘑菇時留起兩片蘑菇，放上蘑菇湯上，再灑一些黑胡椒碎，便完成
2020年3月29日星期日
2020年3月25日星期三
2020年3月23日星期一
2020年3月18日星期三
《泰式炒金邊粉》
簡易版Pad Thai🍝
每次食泰國菜都會order嘅泰式炒金邊粉，阿仔今晚話想食 就等我嘗試吓煮個懶人版啦🍳
喺泰國店買包Pad Thai醬料就可以係屋企都煮到喇，仲可以慢慢嘆😋
金邊粉唔可煮太內，準備好材料炒兩炒就得啦 ✔️
2020年3月17日星期二
《酒醉系列》
🥃酒醉系列🥃
又係我既至愛之一❤️
整好個汁想浸咩都得😋
方便又易整👍🏼
材料：鮑魚、雞蛋、翼尖、鴨舌（隨你喜愛）
汁料：杞子數粒
八角數粒
冰糖 4-5粒
1 杯水
花雕酒半杯
玫瑰露半杯
糟滷 2樽
做法：把1杯水放冰糖、八角、杞子煮好放涼待用，之後把糟滷、花雕酒、玫瑰露和之前煮好的八角杞子水混在一起，把已經處理好的材料放入花雕汁裏，放半日或者一日便可進食。
（隨個人口味可以再加酒或糖，試到岩為止）
食材處理方法：
- 鮑魚、翼尖、鴨舌：洗刷乾淨，姜蔥出水，拿出沖水再浸冰水，浸半小時或以上
- 鮑魚水滾落煮4分鐘
- 翼尖、鴨舌水滾落煮10分鐘
- 雞蛋：水滾落鹽再放雞蛋，中火煮6分鐘，拿出沖水再浸冰水大約30分鐘至雞蛋完全冷凍，除去雞蛋殼（鹽係令蛋白容易凝固）
2020年3月12日星期四
《麻辣鴨舌》
❤️麻辣鴨舌❤️
鴨舌控請揮揮手👋🏼👋🏼
今次煮麻辣好鬼惹味 😋
飲返杯啤酒就一流啦🍺
材料：
鴨舌 1磅
姜 3片
乾蔥 1粒
蒜蓉 適量
醃料：
鹽 1茶匙
蠔油 1湯匙
花雕酒 1湯匙
汁料：
五香粉 1茶匙
麻辣醬 1湯匙
花雕酒 1湯匙
蠔油 1/2湯匙
生抽 1/3湯匙
冰糖 2小粒
水 大半碗
做法：
1）鴨舌解凍用姜蔥屳水，用醃料醃4-5個鐘備用
2）燒熱油鑊爆香姜片、乾蔥、蒜蓉，有香味後放鴨舌爆炒2分鐘（要隔走鴨舌水才落鑊）
3）落五香粉和麻辣醬兜勻，落花雕酒炒1分鐘，之後再落水、蠔油、生抽、冰糖兜勻，蓋上鑊蓋煮滾，滾起後開蓋再煮多3-4分鐘（全程用大火煮）如果太多汁就要埋茨收汁，完成✅
2020年3月11日星期三
《M&S 牛角包🥐》
個個都話M&S牛角包好好味，終於比我買到啦 🥳
整咗三份不同口味🤤
👉🏼芝士火腿牛角包
👉🏼蜜糖牛角包
👉🏼牛油果碎蛋牛角包
🥐好香好鬆軟 ，唔怪之得咁多人推介👍🏼
Honey 話芝士火腿好味😋 如果上面加少少蜜糖就Perfect 😂
2020年3月10日星期二
訂閱：
文章 (Atom)
熱門帖子
-
韓式燒豬仔骨❤️ 平時去食西餐好多時都叫份豬仔骨🍖 今次試吓韓式版，用韓式燒烤醬醃味 食到舔舔脷😋 仲啱晒開大食會招呼朋友👍🏼 材料： 豬肋骨 1條 韓燒醬 1樽 蜜糖 適量 水 2-3湯匙 做法 : 1)豬肋骨洗乾淨，抹乾水... -
點心系列～ 冰格成日常滿，想入貨都無位！今天清雪櫃～ 有蝦又有春卷皮啱晒整炸雲吞，脆卜卜😋又易整，唔駛去酒樓食啦😋 個汁我用茄汁白醋喼汁加片糖，點埋個汁食簡直一樣咁呀 👍🏼 做法： 1) 蝦仁用鹽、胡椒粉、廚酒、生粉醃一陣 2) 把蝦放在春卷皮上，包法如圖 3) ... -
惡魔雞煲升級版🤩 鮑魚雞煲 💖 近排鮑魚好平好抵食，不如試吓加埋落雞煲度煮 味道真係好夾，仲令個雞煲升華咗好多👍🏼 鮑魚起肉，用牙刷刷乾淨，介花放入滾水煮4分鐘，撈起浸冰水便可以用 雞煲做法，請參考 Blog : https://chefsharonkitchen....