《黑松露帶子白汁意粉》

又係懶人之選系列～

最近真係煮到唔知煮咩好，其寶又想偷懶🤫

用白汁意粉醬加黑松露，簡單得嚟又好味

加埋幾粒帶子件事高級左好多，真係無得輸😋

做法：

把牛油煮溶，加入面粉攪勻，轉細火加入鮮忌廉拌勻，加小許鹽和黑椒碎，試味後便可加入已烚好的意粉，最後加入黑松露醬拌勻。帶子解凍後放入熱水浸1分鐘，撈出用廚房紙抹乾水份，撲小小生粉，用牛油煎香2面便完成。

《日式咖喱漢堡飯》

 之前介紹過馬莎漢堡扒整漢堡包..

今次煮個懶人餐用嚟整日式咖喱飯都好唔錯喎～

當你冇咁多idea又想快靚正食餐飯呢個係首選！

《滑蛋鰻魚飯》

 是咁的～屋企食材用得差不多了，又唔想去街市，搵下冰格有條鰻魚。。咁就做了滑蛋鰻魚飯啦，是是但但又一餐，仲有三色椒炒香草腸，so fusion lei🤣🤣

《金銀蛋菠菜》

 這個真係要介紹～

好味又健康又容易煮👍🏼 

夏天太熱食個濕濕地既蔬菜好舒服

我選用菠菜，菠菜中含有豐富的胡蘿蔔素、維生素C、鈣、磷及一定量的鐵、維生素E等有益成分，能供給人體多種營養物質（來源網上資料）

《蜜汁燒豬頸肉》

 蜜汁燒豬頸肉😋

由於我家少爺話好內無食過，好啦就整俾你地食啦，間唔中先食一次都唔係好過分啫～！

焗緊時已經成屋香噴噴，一上枱就秒速清晒😳

真係咁好味？！留返塊俾我呀....

材料：

豬頸肉.........2大塊（約300g)

醃料：

海鮮醬 ........1湯匙

叉燒醬.........1湯匙

糖................2茶匙

老抽............1茶匙

生抽............1茶匙

花雕酒.........1湯匙

蜜糖.............適量

做法：

1）豬頸肉洗乾淨抹乾放入醃料醃1晚（把醃料預先混和一起才用）

2）預熱焗爐，放豬頸肉上焗盤鐵架上並掃上醃汁用200度焗10分鐘，反轉再掃上剩下的醃汁用180焗10分鐘，最後搽蜜糖，用200度焗2分鐘，再反轉另一面搽蜜糖焗2分鍾，完成

3）如用氣炸鍋，200度預熱5分鐘，放入豬頸肉並掃上醃汁200度8分鐘，反轉再掃上剩下醃汁用180度6分鐘，最後搽蜜糖180炸2分鍾，完成

4）最後斜斜切片便可以上碟

注意 不同焗爐火力不同，要因應個別爐頭調效火力和加減烹煮時間。

豬頸肉醬汁材料：

椰糖、紅蔥頭、蒜頭、芫荽、辣椒、青檸、少少暖水

《日式叉燒拉麵》

 每次去激安都很擠擁，貨品琳琅滿目樣樣都想買😍

最吸引我嘅第一位當然去買和牛，整牛丼、 煎牛扒、壽喜燒。。。諗起都🤤

第二位就係呢盒日式厚切叉燒，肉質鬆化唔會乾，有少少油脂又燒得好香，配上日式拉麵簡直一流，加埋我最愛既糖心蛋，唔駛出街食啦！

TABETE日式拉麵係我近期常常入貨的，湯底濃而不膩，幼麵條，煮大約5分鐘麵質還是QQ的，很有彈性咬口，有多種味道選擇👍🏼

《鮑魚雞煲》

 惡魔雞煲升級版🤩

鮑魚雞煲  💖

近排鮑魚好平好抵食，不如試吓加埋落雞煲度煮

味道真係好夾，仲令個雞煲升華咗好多👍🏼

鮑魚起肉，用牙刷刷乾淨，介花放入滾水煮4分鐘，撈起浸冰水便可以用

雞煲做法，請參考

Blog : https://chefsharonkitchen.blogspot.com/2020/07/blog-post.html

Facebook :

https://www.facebook.com/489364757923840/posts/1592033167656988/?d=n