買咗3款較受歡迎嘅鴨血冬粉 嚟試吓..
👉🏼賈以食日
湯底辣度⭐️⭐️⭐️⭐️⭐️
冬粉Q彈度⭐️⭐️⭐️
鴨血煙un度⭐️⭐️⭐️⭐️
💢鴨血有5件好入味又煙un ，冬粉是幼麵條份量較小，湯底5星代表最辣，辣味比麻味重唔夠香，適合食得辣嘅朋友仔
👉🏼双人徐
湯底辣度⭐️⭐️⭐️
冬粉Q彈度⭐️⭐️⭐️⭐️
鴨血煙un度⭐️⭐️⭐️⭐️
💢鴨血有5件夠入味又大舊，冬粉是幼麵條份量較多，湯底得3粒星代表唔係太辣，麻香味都比較淡，適合食少辣嘅朋友仔
👉🏼老媽伴麵
湯底辣度⭐️⭐️⭐️⭐️
冬粉Q彈度⭐️⭐️⭐️⭐️
鴨血煙un度⭐️⭐️⭐️⭐️⭐️
💢鴨血只有3件好煙un質地比較實，冬粉是粗麵條份量適中，湯底4粒星代表中辣，一打開錫紙袋已經 好香麻辣味，麻和辣味好平均，適合食中辣嘅朋友仔
總結，個人口味我鍾意老媽伴麵湯底，麻同辣既比例夠平均。鴨血就喜歡賈以食日入味得嚟煙un又唔會太實。冬粉就鍾意双人徐因為夠多又Q，真係各有各好，點解咁架！唔通以後買曬3款混合嚟食！😅
又係懶人之選系列～
最近真係煮到唔知煮咩好，其寶又想偷懶🤫
用白汁意粉醬加黑松露，簡單得嚟又好味
加埋幾粒帶子件事高級左好多，真係無得輸😋
做法：
把牛油煮溶，加入面粉攪勻，轉細火加入鮮忌廉拌勻，加小許鹽和黑椒碎，試味後便可加入已烚好的意粉，最後加入黑松露醬拌勻。帶子解凍後放入熱水浸1分鐘，撈出用廚房紙抹乾水份，撲小小生粉，用牛油煎香2面便完成。
這個真係要介紹～
好味又健康又容易煮👍🏼
夏天太熱食個濕濕地既蔬菜好舒服
我選用菠菜，菠菜中含有豐富的胡蘿蔔素、維生素C、鈣、磷及一定量的鐵、維生素E等有益成分，能供給人體多種營養物質（來源網上資料）
蜜汁燒豬頸肉😋
由於我家少爺話好內無食過，好啦就整俾你地食啦，間唔中先食一次都唔係好過分啫～！
焗緊時已經成屋香噴噴，一上枱就秒速清晒😳
真係咁好味？！留返塊俾我呀....
豬頸肉.........2大塊（約300g)
醃料：
海鮮醬 ........1湯匙
叉燒醬.........1湯匙
糖................2茶匙
老抽............1茶匙
生抽............1茶匙
花雕酒.........1湯匙
蜜糖.............適量
做法：
1）豬頸肉洗乾淨抹乾放入醃料醃1晚（把醃料預先混和一起才用）
2）預熱焗爐，放豬頸肉上焗盤鐵架上並掃上醃汁用200度焗10分鐘，反轉再掃上剩下的醃汁用180焗10分鐘，最後搽蜜糖，用200度焗2分鐘，再反轉另一面搽蜜糖焗2分鍾，完成
3）如用氣炸鍋，200度預熱5分鐘，放入豬頸肉並掃上醃汁200度8分鐘，反轉再掃上剩下醃汁用180度6分鐘，最後搽蜜糖180炸2分鍾，完成
4）最後斜斜切片便可以上碟
注意 不同焗爐火力不同，要因應個別爐頭調效火力和加減烹煮時間。
豬頸肉醬汁材料：
椰糖、紅蔥頭、蒜頭、芫荽、辣椒、青檸、少少暖水
每次去激安都很擠擁，貨品琳琅滿目樣樣都想買😍
最吸引我嘅第一位當然去買和牛，整牛丼、 煎牛扒、壽喜燒。。。諗起都🤤
第二位就係呢盒日式厚切叉燒，肉質鬆化唔會乾，有少少油脂又燒得好香，配上日式拉麵簡直一流，加埋我最愛既糖心蛋，唔駛出街食啦！
TABETE日式拉麵係我近期常常入貨的，湯底濃而不膩，幼麵條，煮大約5分鐘麵質還是QQ的，很有彈性咬口，有多種味道選擇👍🏼
惡魔雞煲升級版🤩
鮑魚雞煲 💖
近排鮑魚好平好抵食，不如試吓加埋落雞煲度煮
味道真係好夾，仲令個雞煲升華咗好多👍🏼
鮑魚起肉，用牙刷刷乾淨，介花放入滾水煮4分鐘，撈起浸冰水便可以用
雞煲做法，請參考
Blog : https://chefsharonkitchen.blogspot.com/2020/07/blog-post.html
Facebook :
最近大熱嘅《惡魔雞煲醬》大家試過未 ～！
平時食雞煲都係出去食嘅多，因為煮雞煲實在太麻煩，呢包方便醬係屋企自家煮又真係好方便喎！
雞.................一隻
姜.................四片
蒜頭.............四粒
紅蔥頭..........兩粒(切片）
紫洋蔥..........一大個 (切大件）
唐芹..............一棵 (切段）
蔥..................一扎(切段）
芫荽..............兩扎 (切段）
惡魔雞煲醬...1包
做法：
1)雞切件洗乾淨吸乾水，用豉油、豆粉、鹽、糖、紹酒調味，最小醃1-2小時，醃過夜更好，備用
2)燒熱油鑊落料頭爆炒(薑、蔥頭、 蒜頭、紅蔥頭)炒到有香味後加入雞煲醬包內的香料炒至香味撲鼻
3) 加入雞件炒至金黃色再加紫洋蔥和雞煲醬炒勻，落1茶匙糖和1碗水兜勻後，並加入唐芹、芫荽蔥， 加蓋把雞件煮熟，大火滾起後轉中小火煮大約5分鐘
4) 煮好後轉移到另一個煲內加上紫洋蔥圈及芫荽作裝飾，完成 ！
我覺得味道是適合平常食開小辣的我，帶一點麻，會偏鹹少少， 鍾意重口味嘅非常合適😄
雞煲醬內有一包辣椒粉(相片最後一張)我並沒有用，因為他寫辣度驚人😱如果食得辣既你，可以試吓加埋一齊煮，挑戰一下😆
榴槤控注意⚠️⚠️⚠️
今次真係要介紹一下IKEA嘅D24榴槤雪糕 ❤️
性價比真心冇得輸！👍🏼
軟雪糕已經有好香的榴槤味，如果買杯裝仲有一大份榴槤肉，阿姐比既榴槤肉分量十足絕不手軟！
太好味😋真係忍唔住要買多杯 🍨
鍾意榴槤嘅朋友要快啲去試吓啦 💨💨
偽鰻魚飯😍
材料：
茄子......2條
紫菜......2片
芝麻......少許
醬汁：
生抽.......1湯匙
老抽.......1/2湯匙
味淋.......1湯匙
糖...........1湯匙
做法：
1）將茄子切開一半蒸15分鐘
2）把蒸好的茄子切開邊攤平，不要介斷茄子皮（如圖）
3）然後輕輕力打橫切，是模仿鰻魚肉的紋路
4）平底鑊下油，放茄子，中火把兩邊煎成金黃色
5）加入醬汁，小火煮至上色及微微焦香
6）把茄子放上飯面，灑上芝麻，完成
點心系列～
冰格成日常滿，想入貨都無位！今天清雪櫃～ 有蝦又有春卷皮啱晒整炸雲吞，脆卜卜😋又易整，唔駛去酒樓食啦😋
個汁我用茄汁白醋喼汁加片糖，點埋個汁食簡直一樣咁呀 👍🏼
做法：
1) 蝦仁用鹽、胡椒粉、廚酒、生粉醃一陣
2) 把蝦放在春卷皮上，包法如圖
3) 用生粉水黐埋口
4) 慢火用油炸，用木筷子測試油溫，筷子邊有少少氣泡就啱啦 或 氣炸 180度5分鐘再200度5分鐘
👉🏼春卷皮有分底和面，光滑果邊係面，面向外先可以炸得靚
👉🏼氣炸時記得要噴油，如果唔係就會好乾
👉🏼醬汁記得要試味，如果太杰可以加多少少水
