豉椒炒蜆❤️
大排檔風味😋
蜆買返嚟浸鹽水等佢吐沙，浸1個鐘左右就放入滾水煮到小小開口即刻撈起再用水清洗(千祈唔好煲到開曬口）這個做法目的係確定裏面沒有沙及泥，咁樣就放心食啦！一樣咁鮮甜架！
材料
蜆..........2斤
蒜頭.......3粒切碎
豆豉.......適量
乾蔥.......2粒
薑片.......3塊
芫荽蔥...適量
醬汁：
豆瓣醬....1湯匙
蠔油.......2湯匙
糖...........1茶匙
紹興酒....1茶匙
做法
1）蜆浸鹽水吐沙，浸1小時左右
2）放蜆入滾水煮到小小開口即刻撈起用水清洗乾淨，洗走泥沙（備用）
3）燒熱鑊落油，放薑片乾蔥蒜蓉豆豉爆香，有香味後放入醬汁煮滾，試味
4）落蜆快炒吸收醬汁，最後加上少許芫荽蔥兜勻，完成
沒有留言:
發佈留言